"ဘယ်သူမပြု မိမိမူ"
============

ဘာကိစ္စတွေ ဘယ်လိုပဲဖြစ်လာဖြစ်လာ ကောင်းရင် ကိုယ်ကောင်းလို့၊ မကောင်းရင် မကောင်းလို့ဆိုပြီး ပြောတတ်ဆိုတတ်တာဟာ လူ့သဘာဝပါ။

ဒါပေမယ့် ကောင်းကျိုးချမ်းသာတွေရလာရင် ကျေးဇူးတင်ထိုက်သူကို ကျေးဇူးမတင်တာထက် အပြစ်ဖြစ်လာရင် သူများကိုလွှဲချတာမျိုးကတော့ မလုပ်သင့်၊ မဖြစ်သင့်တဲ့အရာ ဆိုတာသိရမယ်။
မိမိတို့ရဲ့ဘဝတစ်လျှောက် ဖြစ်ပျက်တွေ့ကြုံခဲ့တဲ့ အကြောင်းအရာများကို သေသေချာချာစဉ်းစားပါ ပညာရှိနည်းနဲ့သုံးသပ်ကြည့်ပါ။

မိမိကိုယ်တိုင်ကြုံတွေနေရတဲ့အရာ အဆိုး၊ အကောင်း အားလုံးဟာ မည်သူ့ဆီ၌ တာဝန်အရှိဆုံးလဲ?

မိမိသာလျှင် ပထမတာဝန်အရှိဆုံးပါ။ မိမိစိတ်ဆန္ဒမပါဘဲ အတင်းအဓမ္မစေခိုင်းချက်ကြောင့် ပြုလုပ်ရသောကိစ္စတွေမှလွဲ၍ တခြားကိစ္စများတွင် မိမိသာ တာဝန်အရှိဆုံးလူဖြစ်သလို မိမိကိုယ်ကိုသာ မိမိအပြစ်တင်ပါ။

လူတိုင်းက ကိုယ့်စိတ်နှင့်ကိုယ်ဆိုသော်လည်း အချို့ကိစ္စရပ်များ၌ ကိုယ့်စိတ်နှင့်ကိုယ့်ကိုယ် မတွဲမိသည်များရှိနိုင်သည်။ ဥပမာအနေနဲ့ "တံငါနားနီး တံငါ" တံငါသည်ဝမ်း၌ဝင်စား၍ လူဖြစ်လာတယ်ဆိုပါစို့။ မိမိရဲ့ပတ်ဝန်းကျင်၊ မိမိရဲ့ဘဝပေးအကုသိုလ်ကြောင့် အဲ့ဒီအလုပ်ကို နှစ်ခြိုက်၍ (သို့) မနှစ်သက်သော်လည်း လုပ်ကိုင်နေရသည့်အခြေအနေအတွက် ဘယ်သူ့ကိုအပြစ်တင်ရမလဲ?

ဗုဒ္ဓဘာသာဝင်အများစုက ကံ၊ ကံ၏အကျိုးကို ယုံကြည်တယ်။ အတိတ်ဘဝ၊ ယခုဘဝ၊ နောက်ဘဝတွေရှိတယ်ဆိုပြီးတော့လည်း သိထားပါတယ်။ ဒါကြောင့်အခုလိုဖြစ်ပျက်ခံစားတွေ့ကြုံမှုများဟာ အတိတ်ဘဝအဆက်ဆက်မှအစပြု၍
ယခုလက်ရှိအချိန်အထိ မိမိပြုလုပ်ခဲ့သော ကုသိုလ်၊ အကုသိုလ် ကံအကြောင်းတရားများကြောင့်
ပေါ်ပေါက်လာသော အကျိုးတရားများလို့ မှတ်ယူကြတယ်။

ဟုတ်ပြီ။ ဗုဒ္ဓဘာသာဝင်မဟုတ်လို့ ကံ၊ ကံ၏အကျိုးကို မယုံကြည်ခဲ့လျှင်လည်း မိမိကိုယ်မိမိအရင်ဆုံးမေးပါ။ ဤအလုပ်၌ ငါပျော်မွေ့နေသလား၊ ဒါမှမဟုတ် အကုသိုလ်အလုပ်ဖြစ်လို့ မကောင်းသောအသက်မွေးမှုလို့ ထင်မြင်နေသလား။ ဒီအလုပ်ကိုမလုပ်ချင်လျှင် တခြားအလုပ်တစ်ခုခုကို ပြောင်းလဲလုပ်ကိုင်ဖို့ ဆိုတဲ့အတွေးမျိုး ဦးနှောက်နဲ့စဉ်းစားရမှာမိမိရဲ့တာဝန်။

နောက်ဆုံးရဲ့ရလာဒ်ကတော့ အပေါ်မှာပြောခဲ့သလို အဆိုး၊ အကောင်း အားလုံးအတွက် မိမိကိုယ်ကိုသာ မိမိအပြစ်တင်ရမှာပဲ။

ကိုယ်စိုက်တဲ့အပင်က မာလကာပင်ဆိုရင်တော့ မာလကာသီးပဲသီးမယ်။ သရက်သီး သီးချင်လို့တော့ မဖြစ်နိုင်ဘူး။ သရက်သီး မဖြစ်လာလို့ ကိုယ်လိုချင်သောအသီးမဖြစ်နိုင်ကောင်းလားဆိုပြီး အပင်ကိုအပြစ်မတင်ချင်ပါနဲ့။ ထိုအပင်ကိုစိုက်သောသူကိုယ်တိုင်သည်သာ တာဝန်အရှိဆုံးဖြစ်၍ အပင်စိုက်သူကိုသာ အပြစ်တင်ပါ။

အဲ့ဒီလိုစဉ်းစားတွေးခေါ်တတ်မယ်ဆိုလျှင် (သို့) စဉ်းစားတွေးခေါ်နိုင်စွမ်းရှိမယ်ဆိုလျှင် မည်သည့်ကိစ္စမဆို မိမိသာ အရေးကြီးကြောင်း သိလာလိမ့်မယ်။ တာဝန်သိတတ်သောစိတ်များ ဖြစ်ပေါ်လာမယ်။ ဒါ့အပြင် သူတစ်ပါးကို လွှဲချတတ်သည့်စိတ်များ သိသိသာသာ လျော့နည်းလာမယ်။

အဲ့ဒီတော့ ဘယ်လိုအကြောင်းရာတွေပဲဖြစ်ပါစေ မိမိမလုပ်ခင် သေသေချာချာအရင်သုံးသပ်၊ တွေးခေါ်၊ အမှန်နှင့်အမှားကိုခွဲခြား၊ ပြီးမှဆုံးဖြတ်။

ပိုင်စိုး

Post a Comment Blogger

 
Win Paing Soe © 2014. All Rights Reserved.
Freelance Blogger
Top